Psa 72 | ZomZIV | STEP | Solomon phuah Pasian aw, kumpipa tungah na thutang pia in, kumpipa’ tapa tungah na thumaanna pia in.

Psalms 72

Solomon phuah

1 Pasian aw, kumpipa tungah na thutang pia in, ^a
kumpipa’ tapa tungah na thumaanna pia in.
2 Amah in na mite tungah thumaanin thu khen dinga ^{▼▼ 2 Ahikeh hi thei tg. 11 le 17 ah zong a kibang
,}, ^c
a hingimte tungah thutangin thu a khen ding hi.
3 Na mite tungah mualliante in daupaina tun ding uh a,
mualneute in thumaanna gah a tun ding uh hi.
4 Amah in mite lakah a hingimte gum in ^d
a tasamte’ tate hon dinga; ^e
mi nengniamte a suzan ding hi.
5 Amah in ni a om laiteng, ^f
kha a om laiteng khang tawntungin hong thuak keikai ^{▼▼ 5 Septuagint le Hebrew ah nang hong kikihta} ding hi.
6 Amah lopa vatsa lo tunga guah zu leh ^h
lei buakkawt guah a bang ding hi.
7 A thumaante ama nuntak sungteng thamalh dinga; ⁱ
khapi a om nawn loh dong a daupai ding hi.
8 Amah in tuipi panin tuipi dong uk dinga,
Gunpi ^{▼▼ 8 Ahikeh Tua in Euphrates} panin leimongte ^{▼▼ 8 Ahikeh leitang mong} dong a uk ding hi.
9 Sehnel-gama behte a mai-ah kun ding uh a,
a galte in leivui a liak ding uh hi.
10 Tharshish kumpite le gamlapi-a tuipi gei-ate in ^l
amah siah puak ding uh a;
Sheba le Seba kumpite in
letsongte pia ding uh hi.
11 Kumpite khempeuh ama mai-ah kun ding uh a, ^m
minam khempeuh in a na sem ding uh hi. ⁿ
12 Ahang in tasama amah a kote hu dinga,
a huh ding khat beek a nei lo a hingimte a hu ding hi.
13 A zawngkhalte le a tasamte hehpih dinga, ^o
a tasamte sihna pan a hon ding hi.
14 Ama muhna ah amaute sisan manpha sa ahi manin ^p
netniamna le ngongtatna panin amaute a hu ding hi.
15 Amah khansawt hen!
Sheba panin amah kham kipia hen. ^q
Mite in ama adingin thu ngen uh henla,
sun nilohin thupha piapia uh hen.
16 Gamsung khempeuh ah an tampi piang henla ^r
mualneute tungah kiling metmet hen.
Lebanon bangin gahpha henla ^s
gam sunga lopa bangin khanpha uh hen. ^t
17 Ama min kip tawntung henla; ^u
ni a om laitengin kizomsuak ta hen. ^v
Ama tungtawnin minam khempeuh thupha kipia dinga,
amaute in amah thupha ngah ci ding uh hi. ^w
18 Israel Pasian amah bek a piandang na a sempa, ^x
TOPA Pasian kiphat ta hen.
19 A minthang ama min kiphat tawntung henla, ^y
leitung buppi ama minthanna dim hen.

Amen, Amen. ^z
20 Jesse’ tapa David thungetna a khupna ahi hi. ^aa